Доруобуйа сылын тэрээһиннэрин бигэргэтиэхтэрэ

Ил Дархан Айсен Николаев бырабыыталыстыбаҕа Доруобуйа сылын былаанын олунньу 1 күнүгэр диэри оҥорорго сорудахтаата. Онуоха сыһыаннаах тэрээһиннэр биир сылынан эрэ муҥурдаммакка, салҕаныахтаахтар диэбит.

Вице-премьер Ольга Балабкина этэринэн, тэрээһин түөрт хайысхалаах: «Здоровый якутянин – здоровая Якутия», «Качество среды проживания», «Проактивное общество» уонна «Медицина и генетика».

Ол чэрчитинэн, бэлэсипиэт суоллара, пааркалар, уопсастыбаннай былаһааккалар тутуллуохтара. Экологияҕа, хаачыстыбалаах, иҥэмтиэлээх аска-үөлгэ улахан болҕомто ууруллуоҕа, чөл олоҕу салгыы пропагандалыахтара. Санитарнай авиацияны, арктическай медицинаны сайыннарыахтара. Ону таһынан, Ольга Балабкина: «Нэһилиэнньэ үйэтэ 73 сааска диэри уһуохтаах», — диэтэ.