ДПС экипаһа «Бүлүү» айан суолугар саахалламмыт массыынаны буксуурдаата

Бүлүү улууһун айан суолугар суолу кэтиир сулууспа «КАМАЗ» массыыната саахаламмыт тырааныспары буксуурдаата. Бу туһунан РФ ис дьыала министиэристибэтин суолга куттала суох буолуу иниспиэксийэтин Саха сиринээҕи салаатын пресс-сулууспата иһитиннэрэр.

Тохсунньу 2 күнүгэр суолу кэтиир сулууспа, быһа холоон 15:00 чааска, «Бүлүү» айан суолун 328-с килэмиэтиригэр, Илбэҥэ сэлиэнньэтигэр тиийбэккэ суолтан туораабыт Toyota Allion массыынаны көрбүт.

Кинилэр массыынаны чугастааҕы сэлиэнньэҕэ гарааска илдьэн биэрэргэ көмөлөстүлэр. Суоппары аара Үөһээ Бүлүүгэ диэри аҕаллылар. Эр киһи эчэйбэтэҕэ бэлиэтэнэр.