«Дьулуур: мас тардыһыы» киинэ эһиил саас улахан экраҥҥа тахсыаҕа

«Дьулуур: мас тардыһыы» диэн спорт национальнай көрүҥүн туһунан көрдөрөр-кэпсиир аан маннайгы уус-уран киинэ устуута салҕанар. Айар бөлөх киинэ 60% устан бүтэрдэ. Хаалбыт сыаналары бу күннэргэ Табаҕа, Хатас эргин усталлар.

Бу киинэҕэ Дьулуур диэн мас тардыһыытынан дьарыктанар уол олоҕо ойууланар. Кини ыарахан, ол эрэн умсугутуулаах спорт көрүҥэр хайдах кэлбитин, салгыы хайдах уһуйуллубутун туһунан көстөр. Сүрүн оруолу театр артыыһа Гаврил Менкяров толорор, оттон киинэ режиссерунан Валентин Макаров буолар.

Устар бөлөх киинэни сыл түмүктэниэр диэри бүтэрэн, салгыы тыаһын-ууһун таҥан, аны саас таһаарар санаалаах.

«Бу бэйэ баҕатын толоруу, сыалы ситиһии уонна ыарахаттары туорааһын туһунан киинэ. Мас тардыһыы бу киинэҕэ метафора быһыытынан көстөр диэххэ сөп», – диир киинэ иккис режиссера Ирина Бугаева.