Үөһээ Бүлүүгэ суол саахалыгар түөрт оҕо эмсэҕэлээбит

Үөһээ Бүлүү улууһугар тахсыбыт суол саахалыгар түөрт оскуола оҕото араас эт-хаан эчэйиитин ылбыт. Бу туһунан суолга-иискэ куттал суох буолуутун судаарыстыбаннай инспекциятын өрөспүүбүлүкэтээҕи управлениетын пресс-сулууспата иһитиннэрэр.

«Муус устар 2 күнүгэр күнүс «Бүлүү» айан суолун 645-с килэмиэтиригэр Үөһээ Бүлүү улууһун Хомустаах сэлиэнньэтигэр 1977 сыллаах төрүөх Toyota Land Cruiser массыына суоппара иннигэр баран иһэр массыынаны ситэн ааһаары, хаҥас туоруурга бэлэмнэнэр Toyota Wish массыынаны кытта харсыспыт. Саахал түмүгэр олохтоох оскуола түөрт үөрэнээччитэ араас эт-хаан эчэйиитин ылбыт. Икки оҕо Үөһээ Бүлүүтээҕи балыыһа хирургическай салаатыгар тиксэриллибит. Суоппардар эмсэҕэлээбэтэхтэр», — диэн этиллэр.

Саахал тахсар түгэнигэр массыынаҕа баар дьон бары оһолтон сэрэтэр куру баанан олорбуттар. Суоппардан иккиэн арыгы испэтэхтэр.