Үөһээ Бүлүүнү дистанционнай үөрэтиигэ көһөрүүнү саҥаттан көрүөхтэрэ

Үөһээ Бүлүү улууһун оскуолаларын уонна уһуйааннарын дистанционнай үөрэтиигэ көһөрүү туһунан быһаарыыны уларытыахтарын сөп.

«Дистанционнай үөрэтиигэ көһөрүү индивидуальнай бэрээдэгинэн ылыллыахтаах. Үөһээ Бүлүү улууһун быһаарыыта саҥаттан көрүллүөҕэ», — диэн өрөспүүбүлүкэ суһал штабын салайааччытын солбуйааччы Ольга Балабкина бүгүн, балаҕан ыйын 14 күнүнээҕи брифинг кэмигэр эттэ.

Оҕолор үгэс буолбут быһыылаах үөрэниэхтээхтэрин, дистанционнай үөрэтии эбии ньыма буоларын вице-премьер тоһоҕолоото.

Инники этиллибитинэн, Үөһээ Бүлүү улууһугар коронавируһунан ыалдьыы көрдөрүүтэ үрдээһининэн, улуус суһал штаба бары үөрэх тэрилтэлэрэ балаҕан ыйын 24 күнүгэр диэри дистанционнай үөрэтиигэ көһөрөр туһунан быһаарыыны ылбыта.