Үөһээ Бүлүү нэһилиэгэр өрүһү туоратар муоста тутуллуоҕа

Үөһээ Бүлүү нэһилиэгинэн Бүлүү федеральнай суолугар (660-с, 807-с км) муоста тутуутун бырайыага федеральнай экспертизаны ааспыт.

Муоста 1657 миэтэрэ усталаах, 126 миэтэрэ кэтиттээх. Бырайыак сыаната — 33,5 миллиард солкуобай. Муоста былаан быһыытынан эһиилгиттэн 2026 сылга диэри тутуллуохтаах.

«Бүлүү трассатыгар бу саамай улахан муоста буолуохтаах. Билигин 560 миэтэрэлээх Марха өрүһү туоратар муоста саамай уһун усталаах. Салгыы бу кэннэ Күндээдэ, Устье, Кириэстээх диэкинэн Бүлүү өрүһү туоратар муосталар тутуллуохтаахтар. Бу түөрт муоста барыта олоххо киирдэҕинэ, Дьокуускай уонна Мирнэй икки ардыгар сылы быһа суол баар буолуохтаах», — диэн «Бүлүү» суол управлениетын пресс-сулууспата иһитиннэрэр.