Үөһээ Бүлүү улууһугар элбэх хайысхалаах култуура-спорт киинэ аһыллыаҕа

Үөһээ Бүлүү улууһун Липпэ-Атах сэлиэнньэтигэр култуура-спорт киинэ аһыллыаҕа. Бу туһунан СӨ баһылыгын уонна бырабыыталыстыбатын пресс-сулууспата иһитиннэрэр.

Саҥа тутууга спортивнай саала, библиотека, 100 миэстэлээх көрөр саала, Оҥхой нэһилиэгин дьаһалтата, уопсастыбаннай тэрилтэлэр уонна бэтэринээр кабинета олохтонуоҕа.

Киин олохтоохтор көҕүлээһиннэринэн тутуллубут. Эбийиэги тутууга 17,1 мөлүйүөн солкуобай көрүллүбүтэ бэлиэтэнэр.

Элбэх хайысхалаах киин «Сахам сирэ XXI-с үйэҕэ» өрөспүүбүлүкэтээҕи үтүө дьыала хамсааһына бырагыраама иитинэн инициативнай үбүлээһини өйөөһүн чэрчитинэн тутуллубута.