Евгений Григорьев «Биир ньыгыл Россия» баартыйа праймериһыгар кыайбыт

Дьокуускай куорат мэрин э.т. Евгений Григорьев «Биир ньыгыл Россия» баартыйа өрөспүүбүлүкэ киин куоратын мэрин дуоһунаһыгар турунуу иһин праймериһыгар кыайбыт. Бу туһунан баартыйа пресс-сулууспата иһитиннэрэр.

«Биир ньыгыл Россия» баартыйаттан кандидаты туруорууну быһаарар куоластааһын олунньу 14 күнүгэр ыытыллыбыта бэлиэтэнэр.

«Дьокуускай куорат уокуругун баһылыгын бастакы солбуйааччыта Григорьев Евгений Николаевич 93,3 %-н түмүктээх кыайбыт», — диэн этиллэр.

Санатар буоллахха, Дьокуускай мэрин талар куоластааһын болдьох иннинэ 2021 сыл кулун тутар 28 күнүгэр ыытыллыаҕа.