Евгений Григорьев Дьокуускай баһылыгын эбээһинэһин толорооччунан ананна

Дьокуускай куорат баһылыгын бастакы солбуйааччы Евгений Григорьев быстах кэмҥэ баһылык эбээһинэһин толорооччунан ананна.

«Бастатан туран Сардаана Владимировнаҕа доруобуйаны баҕарабын. Билигин кини балыыһаҕа баар, эпэрээссийэлэниэхтээх. Миэхэ эрэммиттэригэр махтанабын. Сүрүн сорукпут диэн куорат олоҕун-дьаһаҕын, хаһаайыстыбатын, социальнай эйгэтин, тырааныспарын систиэмэтин хаачыстыбалаахтык үлэлэтии», – диэтэ кини.

Евгений Григорьев 2021 сылга Сардаана Авксентьева былааннарын салгыы хамаанданан олоххо киллэриэхпит диэтэ. Мэрия хамаандата, отделлар салайааччылара, бары үлэһиттэрэ миэстэлэригэр хаалаллар.