Федор Борисовы Ил Дархан уонна бырабыыталыстыба дьаһалтатыгар дуоһунаһыттан босхолоотулар

Ил Дархан Айсен Николаев Ил Дархан уонна бырабыыталыстыба дьаһалтатын салайааччытын солбуйааччытынан үлэлээбит Федор Борисовы дуоһунаһыттан атын үлэҕэ көспүтүнэн босхолоото.

«Борисов Федор Михайлович дуоһунаһыттан атын үлэҕэ көһөрүнэн босхолонно», — диэн Айсен Николаев бэйэтин Twitter-гэ сирэйигэр суруйда.

Ыспыраапка:

Борисов Федор Михайлович1971 сыллаахха Мэҥэ Хаҥалас улууһун Балыктаах нэһилиэгэр төрөөбүт.

1992 сыллаахха Хабаровскайдааҕы байыаннай училищены, 1996 сыллаахха Кемеровотааҕы юридическай факультеты бүтэрбит.

1992 – 1997 сылларга ИДьМ уорганнарыгар сулууспалаабыт;

1997 – 2000 сылларга Хаҥалас улууһун борокуратууратыгар силиэдэбэтэлинэн үлэлээбит; 

2000 – 2005 сылларга Чурапчы улууһун борокуруорунан үлэлээбит; 

2005 – 2007 сылларга Дьокуускай куорат борокуруорун солбуйааччынан үлэлээбит.

2007-тэн 2015 сылга диэри Хаҥалас улууһун борокуруора.

2015 сыллаахха Ил Дархан уонна бырабыыталыстыба дьаһалтатын коррупциятын утары департаменын салайааччытынан анаммыт.

2016 сыллаахтан — Ил Дархан уонна бырабыыталыстыба дьаһалтатын салайааччыта;

2019 сыллаахха Ил Дархан уонна бырабыыталыстыба дьаһалтатын салайааччытын солбуйааччытынан анаммыт.