Федот Тумусов: Россияҕа СПИД боппуруоһугар болҕомтобутун ууруохтаахпыт

Юрий Дудь ВИЧ-инфекция туһунан киинэтин Госдума дьокутаата Федот Тумусов дойду дьокутааттара туох дии санаабыттарын «Актуальное интервью» биэриигэ иһитиннэрдэ.

«Бу киинэ тахсыбытыгар мин бииргэ үлэлиир коллегаларбын, Госдума дьокутааттарын бары бииргэ олорон көрөргө ыҥырбытым. Сүрүн сыалынан ВИЧ-инфекциятын боппуруоһугар ис-дьиҥэр киирэн болҕомто ууруллуута буолар. Киинэни көрөн баран доруобуйа харыстабылын министиэристибэтэ, ол кэннэ Алексей Кудрин, Дмитрий Песков эмиэ бэйэлэрин санааларын эттилэр», — диэтэ кини.

Киинэ көстүбүтэ биир нэдиэлэ кэнниттэн экспиэртэр уонна анал биэдэмистибэ кыттыылаах төгүрүк остуола ыытыллыбыта.

«Россия бэрэсидьиэнэ Владимир Путин соруйуутунан бу сыл ортотугар диэри ВИЧ-инфекцияны кытта утары охсуһууга саҥа профилактическай стратегията оҥоһуллуоҕа», — диэн Федот Тумусов түмүктээтэ.