Физкультурник күнүгэр онлайн-турнирдар уонна челленджтэр ыытыллыахтара

Атырдьах ыйын 8 күнүгэр Саха сирин үрдүнэн физкультурник күнүгэр уонна бүтүн Россиятааҕы Олимпийскай күҥҥэ анаммыт араас хабааннаах онлайн быһыылаах күрэхтэр ыытыллыахтара. Бу туһунан СӨ спортка министиэристибэтин пресс-сулуупата иһитиннэрэр.

«Хабылык» уонна «хаамыска» курдук национальнай остуол оонньууларыгар өрөспүүбүлүкэтээҕи турнир, гиирэни анньыыга бастыыр иһин күрэх, ону тэҥэ PlayOK уонна Chesscom платформаларга шашка уонна саахымат күрэхтэрэ ыытыллыахтара.

Атырдьах ыйын 15 күнүгэр диэри «Кубок Водоканала» онлайн сүүрүү ааһыаҕа.

Маны таһынан, бу күннэргэ социальнай ситимнэргэ араас спорт көрүҥнэринэн #ДеньФКвЯкутии2020 хэштегтээх «Я выбираю спорт» онлайн-куонкурустар уонна челленджтэр былааннаналлар.