Горнай улууһугар сэдэх көтөрү буллулар

Горнай улууһун «Сиинэ» айылҕа пааркатыгар кыһыл кинигэҕэ киирбит мохсоҕолу буллулар. Бу туһунан СӨ экологияҕа министиэристибэтин пресс-сулууспата иһитиннэрэр.

«Сиинэ өрүс кытылыгар турар таас очуостар уонна орто көтөрдөртөн турар ас элбэҕэ, кыһыл кинигэҕэ киирбит көтөрү бу сиргэ тардыбыт буолуон сөп», — диэн мохсоҕолу видеоҕа уһулбут Горнайдааҕы судаарыстыбаннай экологическэй кэтэбил инспекциятын исписэлииһэ Сардаана Кривошапкина бэлиэтээтэ.

Мохсоҕол куруутун сэдэх кыылынан ааҕыллара. Аҕа дойду иккис сэриитин кэнниттэн элбэҕэ суох ахсааннара лаппа аччаабыта.

Мохсоҕол аҕыйах ахсааннаах көтөр быһыытынан Россия кыһыл кинигэтигэр киирэр. Ону тэҥэ дьиикэй кыыллар атыыларын норуоттар икки ардыларынааҕы конвенциятын I сыһыарыыта, бу көтөрү эргиниини аан дойду үрдүнэн бобор.