Госдумаҕа 5 млн.солк. үрдүк дохуоттаах гражданнарга 15 % НДФЛ олохтуур туһунан сокуон барыла киирдэ

Россия бырабыыталыстыбата сылга биэс мөлүйүөн солкуобайтан үрдүк дохуоттаах гражданнарга 15 %-наах НДФЛ олохтуур туһунан сокуон барылын киллэрдэ. Бу туһунан Госдума пресс-сулууспата иһитиннэрэр.

«Ставканы үрдэтии физическэй сирэйдэр дохуоттарын нолуогуттан сылга 60 миллиард солкуобайга тиийэр кээмэйдээх эбии үп киириитигэр көмөлөһүөҕэ», – диэн сокуон барылын финансово-экономическай бигэргэтиитигэр этиллэр.

Нолуоктан киирэр үп федеральнай бүддьүөккэ ыытыллара, ол кэннэ ыарахан туруктаах уонна хроническай ыарыылаах оҕолору эмтээһиҥҥэ туһуланыллар буолара бэлиэтэнэр.

«2021 сылга 60 миллиард солкуобай кээмэйдээх бүддьүөт ассигнованиялара, 2022 сылга — 64 миллиард солкуобай, 2023 сылга — 68,5 миллиард солкуобай 2021-2023 сыллардааҕы федеральнай бүддьүөт бырайыагын оҥорууга былааннаннылар», — диэн этиллэр.

Госдума бэрэссэдээтэлэ Вячеслав Володин бэлиэтииринэн тустаах сокуон барыла бастакы уочарат дьүүллэһиллиэҕэ.

Сокуон барыла физическэй сирэйдэр дохуоттарын нолуогун кээмэйэ 2021 сыл тохсунньу 1 күнүттэн үрдээһинин учуоттуур. Көннөрүүнү Россия нолуогабай кодексын киллэрэргэ этии киирдэ.

Инники дойду бэрэсидьиэнэ Владимир Путин тустаах көҕүлээһини иһитиннэрбитэ.