Госдума Төрүт сокуоҥҥа киирэр уларытыылары иккис ааҕыыга көрүөҕэ

Бүгүн, кулун тутутар 10 күнүгэр, Госдума төрүт сокуоҥҥа киирэр уларытыылары иккис ааҕыыга көрөрө былаанныыр. Бу туһунан «Парламентскай хаһыат» иһитиннэрэр.

Докумуон иккис ааҕыытыгар 387 уларытыы киирбитэ бэлиэтэнэр. Маны сэргэ Россия бэрэсидьиэнэ Владимир Путин көҕүлээһининэн киирбит этиилэр эмиэ бааллар.

«Судаарыстыба баһылыга Төрүт сокуоҥҥа Россия тыһыынча сыллаах историятынан өбүгэ кэриэһин харыстаан итэҕэлгэ уонна дьулуһууга аҕалбыт, маны сэргэ Россия судаарыстыбатын сайдыытыгар урут уруккуттан кэлбит биир сомоҕо буолууну бигэтитэр туһунан этэр», — диэн этиллэр.

Маны тэҥэ Россия территориятыттан тэйсэр дьайыылары таһаарыы көҥүллэммэтин. Россия Аҕа дойдуну көмүскээччилэр албан ааттарын ытыктыыр уонна история чахчытын харыстыырын туһунан бырайыакка ыйыллар.

Дьахтар уонна эр киһи сойууһун ыал буолуу институтун быһыытынан харыстыырга, оттон оҕолор судаарыстыба баайа буолуулара бүтүн дойдуга уонна регионнарга учуоттанара этиллэр.

Бырайыакка нуучча тылын судаарыстыба үөскэтэр норуот тылынан бигэргэтиллиэҕэ.

Маны таһынан бэрэсидьиэн Россияҕа дойду экэнэмиичэскэй улаатыытын сайыннарарга эйгэ оҥоһулларыгар уонна норуот уйгулаах олохтоох буоларын үрдэтии учуоттуурга этэр.