Госдума Төрүт сокуоҥҥа уларытыылары киллэрии туһунан сокуону бигэргэттэ

Кулун тутар 11 күнүгэр Федерация Сэбиэтин сүбэ мунньаҕар Төрүт сокуоҥҥа уларытыылары киллэрии туһунан сокуон барыла үһүс ааҕыыга бигэргэтилиннэ. Бу туһунан ТАСС иһитиннэрэр.

160 сенатор сокуону ылыныы иһин куоластаабыта, биир — утарбыта, үс киһи туттуммута этиллэр.

Сокуон парламент боломуочуйатын кэҥэтэр, үрдүкү дуоһунастаахтарга хааччахтааһыны киллэрэр уонна бэрэсидьиэн дуоһунаһыгар олоруу иккиттэн элбэҕэ суох болдьоҕун учуоттуур. Ол эрээри билиҥҥи судаарыстыба баһылыга сокуоҥҥа уларытыы киирбитин кэннэ иккистээн туруорунуон сөп.

Госдума спикера Валентина Матвиенко сокуону регионнар судаарыстыбаннай мунньахтарыгар туһаайда. Өскөтүн докумуону сокуону бигэргэтээччилэр үс гыммыт иккитэ өйөөтөҕүнэ, дойду бэрэсидьиэнэ киирэ илик балыһыанньалары Конституционнай суут дьүүлүгэр бэрэбиэркэҕэ туһаайыаҕа.

Федерация Сэбиэтэ регионнар сокуону көрүүлэрин түмүгүн көрөр уурааҕы ылынара ирдэнэр. Кулун тутар 14 күнүгэр диэри регионнар сэбиэттэрэ сокуону көрөн бүтэрдэхтэринэ, Федерация Сэбиэтин сенатордара уочарата суох мунньах ыытыахтара.