Гроссмейстердар Андрей Федотов уонна Муродулло Амриллаев «Саха» НКИХ ханаал эпииригэр көрсүөхтэрэ

Муус устар 11 күнүгэр «Саха» НКИХ ханаалга аан дойдутааҕы гроссмейстердар Андрей Федотов уонна Муродулло Амриллаев икки ардыларыгар нуучча дуобатыгар матчевай көрсүһүү быһа эпииргэ көстүөҕэ. Бу туһунан «Спорт Якутии» иһитиннэрэр.

Быһа эпиир олохтоох бириэмэнэн 20:00 чааска саҕаланыаҕа. Сүрүн бириис — 100 тыһыынча солкуобай.

Андрей Федотов нуучча дуобатыгар аан дойду икки төгүллээх чемпиона, Муродулло Амриллаев — түргэн бырагыраамаҕа дуобакка аан дойду чемпиона.

Ону тэҥэ, муус устар 12 күнүгэр Муродулло Амриллаев өрөспүүбүлүкэтээҕи саахымат-дуобат киинигэр эдэр спортсменнарга маастар-кылаас ыытыаҕа.

Маастар-кылаас кэнниттэн 30 дуоскаҕа биир бириэмэҕэ тэҥҥэ оонньуу буолуоҕа. Матч дуобат спордун киэҥ эйгэҕэ тарҕатар, оҕо уонна ыччат өйүн үлэтин кыаҕын сайыннарар, кинилэр спортивнай маастарыстыбаларын үрдэтэр сыаллаах ыытыллар.

Тэрээһини Саха сиринээҕи үүнэр көлүөнэ пуондата иилээн-саҕалаан ыытар.