Хаҥалас улууһа икки тыҥа үлэлэтэр аппарат ылла

2020 сыл ыам ыйыгар Хаҥалас улууһа икки тыҥаны үлэлэтэр аппаратынан хааччыллыаҕа. Бу туһунан улуус дьаһалтатын пресс-сулууспата иһитиннэрэр.

Оборудование коронавирус инфекциятын утары ыытыллар үлэҕэ туһаныллыаҕа, кэлин ыарахан туруктаах ыарыһахтары эмтээһиҥҥэ.

«Россияҕа оҥоһуллубут тыҥаны үлэлэтэр аппараттар Хаҥаластааҕы киин балыыһа реанимация, хирургия уонна интенсивнай терапия салааларыгар туһаныллыахтара», — диэн этиллэр.

Маны тэҥэ балаатаҕа туһаныллар аҕыс кислородунан хааччыйар аппарат ылыллара бэлиэтэнэр.