Хаҥалас улууһугар сааскы халааҥҥа бэлэмнэнии саҕаланна

Хаҥаласка сааскы халаан уута кэлиитигэр бэлэмнэнии саҕаланна. Улуус гидрологическэй туругун хонтуруоллааһыҥҥа үс страционарнай уонна аҕыс быстах кэмнээх гидропост үлэлиэҕэ. Бу туһунан улуус дьаһалтатын пресс-сулууспата иһитиннэрэр.

«Нэһилиэктэр баһылыктара 12 нэһилиэнньэлээх пууҥҥа уу ылар сиригэр олорор дьон испииһэгин тиксэрдилэр», — диэн улуус баһылыгын эбээһинэһин толорооччу Федор Борисов эттэ.

Уу ылар сиригэр турар 12 сэлиэнньэҕэ 1,5 тыһыынчаттан тахса киһиэхэ анаан дьон быстах кэмҥэ олорор пууннара уонна үс балаакка куората тэриллиэҕэ.

Ураты болҕомто сүөһүнү уонна сылгыны үрдүк сиргэ көһөрүүгэ ууруллар. 2020 сылга үс тыһыынча кэриҥэ сүөһүнү уонна 3,3 тыһыынча кэриҥэ сылгыны көһөрүү былааннанар. Дьиэ сүөһүтүн быстах кэмҥэ тутуу пууннарыгар сүөһү аһын саппааһын тэрийии ыытыллар.