Хаҥалас улууһун үс нэһилиэгэ сэлиэнньэ территориятын тупсарыыга субсидия ылыаҕа

Сэлиэнньэ территориятын тупсарыытыгар туһаайыллыбыт бырайыактар куонкурустарын түмүгүнэн Хаҥалас улууһун Хачыкаат, Өктөм уонна Булугнньахтаах нэһилиэктэрэ кыайыылааҕынан таҕыстылар. Бу туһунан улуус дьаһалтатын пресс-сулууспата иһитиннэрэр.

Ылыллыбыт субсидиянан Булгунньахтаах нэһилиэгэр «Аҕа дойду Улуу сэриитин кыттыылаахтарыгар буойун-биир дойдулаахтарбытыгар» паамытынньык чөлүгэр түһэриллиэҕэ. Хачыкаат уонна Өктөм нэһилиэгэр култуура сынньалаҥ паарката уонна «Учительскай» паарката оҥоһуллуоҕа.

Уопсастыбаннай суолталаах сэлиэнньэ территориятын тупсарыы бырайыагы олоххо киллэрии сүүмэрдиир куонкуруһугар өрөспүүбүлүкэ 16 улууһуттан 179 докумуон көрүллүбүтэ.

Быйыл 2020 сылга бу сыалларга 139 мөлүйүөн солкуобай көрүллэрэ бэлиэтэнэр.