Хаҥалас улууһун үс оскуолатыгар карантин биллэрилиннэ

Хаҥалас улуууһун Покровскай куорат уонна Хачыкаат сэлиэнньэтин оскуолаларыгар карантин биллэрдилэр.

Роспотребнадзор өрөспүүбүлүкэтээҕи управлениетын Хаҥаластааҕы салаата тириэрдэринэн, тохсунньу 24-31 күннэригэр Покровскай куорат 2-с уонна 4-с №-дээх орто оскуолаларын сорох кылаастарыгар уонна Хачыкаат сэлиэнньэтин оскуолатыгар толору карантин биллэрилиннэ.

Улууска эпидемичэскэй боруок куоһарбатаҕа, тумуулаабыт уонна гирииптээбит киһи ахсаана 239-ка тэҥнэспитэ бэлиэтэнэр.

«Хачыкаат орто оскуолатыгар тумуулаабыт уонна гриптээбит оҕо ахсаана үөрэнээччи уопсай ахсаанын 32 %-гар тэҥнэстэ. Үөрэх толору тохтотулунна. Улахан аҥара алын кылаас үөрэнээччилэрэ ыалдьыбыттар», – диэн Роспотребнадзор территориальнай уравлениетын Хаҥаластааҕы салаатын салайааччыта Афанасий Алексеев иһитиннэрдэ.