Хабаровскайга ыһыах туһунан кинигэ таҕыста

Хабаровскай кыраай бырабыыталыстыбата «Уһук Илиҥҥи Ыһыах норуоттары түмэр» мультимедийнай кинигэни таһаарда. Бу туһунан СӨ баһылыгын уонна бырабыыталыстыбатын дьаһалтатын пресс-сулууспата иһитиннэрэр.

Айааччылар бэлиэтииллэринэн, мультимедийнай кинигэни таһаарар санаа быйыл 2020 сылга коронавирус пандемията саҕаланан, үгүс бырааһынньыктааҕы тэрээһиннэр дистанционнай быһылаах ыытыллар буолбуттарыттан үөскээбит.

«Бүгүн ыһыах куорат култуурнай олоҕор ураты миэстэни ылар. Саха сирин улуустарын делегациялара, Саха диаспората, Хабаровскай үөрэҕин кыһаларыгар үөрэнэ сылдьар Саха сирин устудьуоннара уонна уокурук байыаннай чаастарыгар сулууспалыы сылдьар байыаннайдар кыттыыны ылыылара бырааһынньыкка ураты национальнай тыыны биэрэр», — диэн этиллэр.

Таһаарыы Саха сайыны көрсүүтүн бырааһынньыгын Хабаровскайга тэрийэн ыытыы үгэһэ үөскээһинин историятыгар ананар. Кинигэҕэ 700 кэриҥэ хаартыскалар уонна видео матырыйааллар түмүллэн киирдилэр.