Халыма өрүс уутун таһыма үрдээһинэ күүтүллэр

Атырдьах ыйын иккис аҥарыгар ардах уута киирэн Халыма өрүс уутун таһыма үрдүөн сөп. Бу туһунан нэһилиэнньэ олоҕор куттал суох буолуутун хааччыйар судаарыстыбаннай кэмитиэт өрөспүүбүлүкэтээҕи салаатын пресс-сулууспата иһитиннэрэр.

«Ый иккис аҥарыгар өлгөм ардахтар түһүүлэринэн уонна хайалар систэриттэн хаар уута ууллан киириилэрин түмүгэр, Халыматааҕы ГЭС-тан уу ыытылыннаҕына Халыма өрүс уутун таһыма үрдүөн сөп», — диэн этиллэр.

Уу хаатыттан тахсар түгэнигэр, муниципальнай таһымнаах ыксаллаах балаһыанньа бэлиэтигэр тиийиэн сөптөөҕө сабаҕаланар.

Инники этиллибитинэн, кэлэр сууккаҕа Дьокуускай гидропостун чугаһыгар Өлүөнэ өрүскэ ардах уута муҥутуур таһымҥа тиийиитэ күүтүллэр.