«Харыйалаах» резервата тэриллибитэ 50 сылын туолла

Саха сиригэр биир бастакынан тэриллибит, Горнай улууһун Одуну нэһилиэгин ураты ытыктанар түөлбэтэ «Харыйалаах» резервата тэриллибитэ 50 сыла буолла. 50 сыллааҕыта Саха Сирин салалтата ылыммыт сөптөөх быһаарыытынан, ураты харыстанар сирдэри тэрийэннэр, бу сирдэргэ кыыл-сүөл ууһаан, олохсуйан, ото-маһа, айылҕата чөл туруктанан билиҥҥэ диэри кэллэ.

Күн бүгүн «Харыйалаах» резерватыгар үлэлииргэ бары усулуобуйа тэриллэн турар. Үрдүк күүрүүлээх уот ситимэ, дьиэ-уот, суол иис барыта баар. Манан сиэттэрэн инники өттүгэр экологическай туризм сайдар хайысхаларын, салааларын, олохтоох урбаанньыттары кытары төгүрүк остуол тула торумнаатылар, санаа атастастылар.

«Кыыл сүөл айана, төрүүр-уһуур сирэ уларыйа турар. Ону кэмигэр көрөн ураты харыстанар сирдэри оҥорон, кыраныыссаларын уларыта туруохха наада. Бу үлэ түмүгэр, олохтоох харыстанар сир систиэмэтэ эмиэ уларыйар. Оннук систиэмэ үүнэн-сайдан бардаҕына, өрөспүүбүлүкэ таһымыгар тиийэ сайдыан сөп», — диэн СӨ  экология, айылҕаны туһаныы уонна ойуур хаһаайыстыбатын министиистирэ Сахамин Афанасьев