Хатас-Павловскай хайысхатынан массыына ууга түһэн суолу саптылар

Сэтинньи 26 күнүгэр Хатас-Павловскай хайысхатынан өрүһү туораан испит массыына ууга түстэ.

«Водолазтар ууга түспүт икки киһи өлүгүн хостоон, ис дьыала миинистиэристибэтин үлэһиттэригэр тиксэрдилэр» — диэн  Дойду ыксаллаах быһыыга-майгыга министиэристибэтин Саха сиринээҕи салаатын пресс-сулууспата иһитиннэрэр

Өрүһү туораан испит таһаҕас тиэйэр массыына олохтоммут быраабыланы кэһэн өрүскэ киирбит. Суоппар биэс тонна ыйааһыннаах тимир көлөтүнэн өрүһү туоруу сатаабыт.

Массына иһигэр суоппары тэҥэ икки пассажир олорсон испит. Биир киһи быыһаммыт, иккитэ суорума суолламмыт.

Инники иһитиннэриллибитинэн, бу хайысханан муус суолунан сырыы, үс тоннаҕа диэри ыйааһыннах тимир көлөлөргө көҥүллэммитэ.

Билиҥҥи туругунан Хатас-Павловскай хайысхатынан өрүһү туоруур суол сабыллан турар. Сырыы сөргүтүллэр болдьоҕун туһунан иһитиннэрии чуокайданыа.