«Хатас – Павловскай» хайысхатынан сырыы уйуга 40 тоннаҕа диэри үрдээтэ

Тохсунньу 21 күнүттэн «Хатас – Павловскай» хайысхатынан Өлүөнэ өрүһү туоруур муус суолунан сырыы 40 тоннаҕа диэри ыйааһыннаах массыыналарга көҥүллэннэ. Бу туһунан өрөспүүбүлүкэ айан суолларын управлениетын пресс-сулууспата иһитиннэрэр.

Кыһыҥҥы муус суолунан сырыы муҥутуур уйугун үрдэтии туһунан быһаарыы, биэдэмистибэ исписэлиистэрэ уонна Россия ыксаллаах быһыыга-майгыга министиэристибэтин Саха сиринээҕи салаата кыттыылаах үлэ хамыыһыйата муус халыҥын кэмнээһинин кэнниттэн ылыллыбыта бэлиэтэнэр.