«Хатас-Павловскай» суолга 5 тоннаҕа диэри массыынаны көҥүллээтилэр

«Хатас-Павловскай» хайысхатынан субуллар кыһыҥҥы суолга биэс тоннаҕа диэри ыйааһыннаах тимир көлө сылдьара көҥүллэннэ. Бу туһунан транспорт министиэристибэтин пресс-сулууспата иһитиннэрэр. Эрдэ өрөспүүбүлүкэтээҕи массыына суолларын бырабылыанньата ГИМС инспектордарын кытта муус туругун бэрэбиэркэлээбиттэрэ. Саамай чараас сиринэн 48 сантымыатыр, онон 5 тоннаҕа диэри ыйааһыннаах тимир көлө сырыыта көҥүллэннэ диэн биэдимистибэҕэ иһитиннэрдилэр.