ХИФУ COVID-19 антителатын экспресс-быһаарыытын оҥорор буолла

Хотугулуу-Илиҥҥи федеральнай үнүбэрсиэт клиниката COVID-19 вируһун антителаларын икки көрүҥэр хаан анаалиһын оҥорон саҕалаата. Бу туһунан үөрэх кыһатын пресс-сулууспата иһтиннэрэр.

Ол курдук, киһи инники ыалдьа сылдьыбытын эбэтэр сутуллубутун көрдөрөр М уонна G кылаастаах антителалары быһаарар экспресс-диагностиканы ыытыллар. Бу көрүҥ аналиһы ыытыы эбии тесты оҥорууну ирдээбэт.

M кылаастаах антителалар коронавируһунан ыалдьыы бэһис-алтыс күнүгэр үөскүүллэрэ бэлиэтэнэр, сорох түгэнигэр — түмүгэр. G кылаастаах — ыалдьыы алтыс-онус күнүгэр үөскүүллэр, сэдэх түгэнигэр — 20-с күнүгэр.

«Экспресс-диагностиканы баҕалаах дьон бары ааһыахтарын сөп. Суруттарыы олохтоммут систиэмэнэн икки нэдиэлэ иннинэ оҥоһуллар. Анализ түмүгэ үһүс-төрдүс күнүгэр биллэр. Түмүгү электроннай почтанан да ылыахха сөп», – диэн этиллэр.