ХИФУ доценын научнай бырайыага 3 мөл. солк. кээмэйдээх үбүлээһини ылла

ХИФУ математика уонна информатика институтун доцена Александр Григорьев научнай-чинчийэр бырайыага Россия фундаментальнай чинчийиилэрин пуондата уонна Вьетнамнааҕы «Вьета_а» наука уонна технология академията бииргэ холбоон ыыппыт куонкурустарыгар кыайан үс мөлүйүөн солкуобай суумалаах үбүлээһини ылла. Бу туһунан үөрэх кыһатын пресс-сулууспата иһитиннэрэр.

Кини научнай үлэтэ уу сир кырсынан быыһылаан киириитин бырассыаһын чинчийиигэ ананар, бу тыа хаһаайыстыбатыгар улахан суолталаах.

«Вьетнамҥа тыа хаһаайыстыбата саамай сүрүн суолталаах салаанан буолар. Нэһилиэнньэ улахан аҥара тыах хаһаайыстыбатынан дьарыктанар, оҥорон таһаарыыга уонна экспортка дойду ВВП-тын кыра өлүүтэ тиксэр. Тыа хаһаайыстыбатыгар бастыҥ аныгы технологиялары туһанарга, онно сөп түбэһэр аныга ааҕар-суоттуур ньымаларга олоҕуран оҥоһуллубут, ордук табыгастаах уонна сөптөөх математическай моделлары туһаныахха наада», – диэн доцен Александр Григорьев кэпсиир.

Биһиги дойдубут сирин-уотун 65 %-нын ирбэт тоҥ ыларынан сибээстээн, уу сир кырсынан быыһылаан киириитэ элбэх сыллаах ирбэт тоҥ ууллуутугар уонна үөскээһинигэр сабыдыала Россия өттүн интэриэһин ордук тардыбыта бэлиэтэнэр. Онуоха климат уларыйыытыттан тахсар сылыйыылар сир ньуура алдьаныытыгар тириэрдэр, ол бүтүн дойду таһымнаах экономическай уонна социальнай кыһалҕа төрүөтүнэн буолар.