ХИФУ-га сахалар XIV-XVIII-с үйэтээҥҥи киэргэллэрин туһунан кинигэни сүрэхтээтилэр

ХИФУ история салаатын доцена Капитолина Яковлева саха омук XIV-XVIII-с үйэтээҥҥи киэргэллэрин-симэхитэрин туһунан кинигэни сүрэхтээтэ. Бу туһунан үрдүк үөрэх кыһатын пресс-сулууспата иһитиннэрэр.

Кинигэ хос ааптарынан хаһыыларга бэйэтэ кыттыыны ылбыт Россия наукатын академиятын Сибиирдээҕи салаатын гуманитарнай чинчийии уонна аҕыйах ахсааннаах хотугу омуктар кыһалҕаларын институтун научнай үлэһитэ Александра Прокопьева буолбут.

Кинигэни бэлэмнээһин үлэлэрэ үс сыл устата ыытыллыбыттар. Монография 140 экземплярынан тахсыбыт. Манна 200-кэ былыргы киэргэл оҥоһук киирбит.

XIV-XVIII-с үйэлэр — Саха сирин историятыгар үчүгэйдик арыллыбатах кэм буолар, бу кэмнээҕи симэтэр соччо киэҥник суруллубатахтар. Ол оччотооҕу оҥоһуктар судургуларынан быһаарыллар, холобура саамай биллибэтинэн ыйытык боппуруоһа быһыылаах ытарҕа буолар.

Капитолина Яковлева бэлиэтииринэн, оччолорго үрүҥ көмүс ытарҕа сэдэх, үксүн алтантан уонна боруонсаттан оҥоһуллубут, сороҕо оҕуруонан киэргэтиллэр буолар эбит. Ону таһынан сорох киэргэли баай эрэ дьон кэтин сөбө биллэр.

Ат дабаан көмүүтүн хаһыы кэмигэр моонньуга кэтиллэр киэргэли булбуттар. Сабаҕаланарынан баай ыал уолун киэнэ диэн ааҕыллар. Ону таһынан оннугар сахаларга суох ытарҕа көстүбүт. Булумньулар ХИФУ археология уонна этнография түмэлигэр харайыллаллар.