ХИФУ медиктэригэр өрөспүүбүлүкэ эбии төлөбүрү көрүөҕэ

Хотугулуу-Илиҥҥи федеральнай үнүбэрсиэт коронавирустаабыт уонна обсерваторга олорор устудьуоннары эмтиир исписэлиистэригэр өрөспүүбүлүкэ эбии көмө төлөбүрү көрүөҕэ. Бу туһунан бүгүн, ыам ыйын 19 күнүгэр ХИФУ ректора Анатолий Николаев иһитиннэрдэ.

«Биһиги үлэһиттэрбит коронавируһу утары охсуһар медицинскэй үлэһиттэргэ федеральнай хааһынаттан көрүллэр эбии төлөбүргэ кыайан тиксибэттэр, бу төлөбүр сокуон быһыытынан суһал көмө уонна стационар үлэһиттэригэр эрэ туһаайыллар. Ол да буоллар өрөспүүбүлүкэтээҕи суһал штаб уонна СӨ доруобуйа харыстабылын министиэристибэтэ төлөбүрү оҥоруу механизмын чопчулаан, көмө өҥөһулларын туһунан иһитиннэрдилэр», — диэн Анатолий Николаев эттэ.

Санатар буолаахха, ыалдьыбыт ыччат бары үнүбэрсиэт биир уопсайыгар изоляцияламмыта. Кинилэргэ тустаах медицинскэй көмө оҥоһуллар.