ХИФУ медицинскай институутугар «Онкология» кафедрата аһылынна

Өрөспүүбүлүкэтээҕи онкологическай диспансер уонна Хотугулуу-Илиҥҥи федеральный үнүбэрситиэт медицина институутугар «Онкология» кафедратын астылар. Бу туһунан СӨ доруобуйа харыстабылын министиэристибэтин пресс-сулууспата иһитиннэрэр.

Медицина искэннээх ыарыылары үөрэтэр уонна эмтиир салаатын хайысхатыгар, бу маҥнайгы кафедра буолар.

«Кафедраҕа устудьуоннары үөрэтии аныгылыы ньымаларынан салайтаран ыытыллыа. Медицина институутуна уонна өрөспүүбүлүкэтээҕи онкологическай диспансер материальнай, интеллектуальнай уонна инновационнай кыахтарын туһанан, искэннээх ыарыылары үөрэтиини уонна эмтээһини дириҥник чинчийэн бэлэмниэхтэрэ уонна билиилэрин кыаҕын таһымын үрдэтиэхтэрэ», — диэн этиллэр.

Холбоһуктаах научнай чинчийиилэр түмүктэрин тутатына искэннээх ыарыылары эмтиир үлэҕэ киллэрии былааннанар.

Салаа профессордара уонна уһуйааччылара өрөспүүбүлүкэтээҕи онкологическай диспансер доктор истиэпэннээх быраастарыттан уонна ыҥырыллан кэлбит медицинскай наука доктора, Россияҕа бастыҥ онкология институутун профессорыттан туруо.