Хотугулуу Илиҥҥи федеральнай үнүбэрсиэт 20 үөрэтэр бырагыраамата «Инновационнай Россия бастыҥ үөрэтэр бырагыраамалара» бүтүн Россиятааҕы бырайыактар кыайыылаахтарын ахсааныгар киирдэ. Бу туһунан үрдүк үөрэх кыһатын пресс-сулууспата иһитиннэрэр.
Бырайыакка үөрэтэр көрдөрүүлэр үөрэх хаачыстыбатын сыаналыырга туһуланаллар.
«Сүрүн болҕомто үөрэтии түмүктэригэр ууруллар: үөрэҕи бүтэрии, истиэпэн ылыы, үлэ булуу, хамнас кээмэйэ», — диэн иһитиннэриигэ этиллэр.
Маны таһынан, устудьуоннар олимпиадаларга, күрэхтэһиилэргэ, куонкурустарга кыттыылара уонна грант, анал истипиэндийэ ылыылара киирэр.
«Инновационнай Россия бастыҥ үөрэтэр бырагыраамалара» бырайыак – дойдуга үөрэх хаачыстыбатын тутулуга суох сыаналааһын биир көрүҥэ.
