ХИФУ Саха сирин туһунан онлайн-лекциялары истэргэ ыҥырар

ХИФУ бастыҥ учуонайдара уонна преподавателлэрэ интернет нөҥүө Саха Өрөспүүбүлүкэтин күнүгэр ананар саха култууратын, устуоруйатын уонна литературатын туһунан лекция ыыталлар. Бу туһунан ХИФУ пресс-сулууспата иһитиннэрэр.

«Лекцияны ким баҕалаах истиэн сөп. Учуонайдар экономика, доруобуйа, култуура, наука уонна үөрэх боппуруостарын кэрэхсэбиллээхтик кэпсииллэр», – диэн ХИФУ упсастыбаннаһы кытта сибээскэ уонна медиаполитикаҕа управлениетын салайааччыта Ульяна Охлопкова эттэ.

Үнүбэрситиэт научнай-популярнай лекциялары 2016 сылтан таһаарар диэн бэлиэтэнэр. Бу кэм устата үрдүк үөрэх кыһата 300-тэн тахса видеолекцияны бэлэмнээтэ.

13 мүнүүтэ устата лекция ааҕааччылар бэйэлэрин чинчийиилэрин уонна ырытан оҥорууларын туһунан кэпсииллэр. Научнай-популярнай лекциялар тиэмэлэрэ киэҥ хабааннах: медицинэ, тутуу, психология, экология, этнология, философия, инженерия уонна да атын хайысхалардаах.

Лекциялары ХИФУ сайтыгар уонна YouTube-ханаалыгар көрүөххэ сөп.