ХИФУ тутар хамыыһыйатыгар 800 кэриҥэ сайабылыанньа киирдэ

Хотугулуу-Илиҥҥи Федеральнай Университекка үөрэххэ туттарсааччылартан 800 кэриҥэ сайабылыанньа киирдэ.
Элбэх сайабылыанньа (58) Педагогическай интститукка киирдэ. Киин тутар хамыыһыйа салайааччыта Елизавета Ильина бэлиэтииринэн, 800 сайабылыанньаттан 400-һэ эрэ сөптөөхтүк, бары быраабылалары тутуһан суруллубут.
«Сайабылыанньа биэрбиттэртэн аҥардара — быйыл оскуоланы бүтэрбит оҕолор. Интернетинэн Дьокуускай куоракка олохтоох оҕолортон эрэ буолбакка, республика араас муннуктарыттан сайабылыанньа киирбитэ хайҕаллаах», — диэн бэлиэтээтэ Киин тутар хамыыһыйа салайааччыта.
Сөптөөхтүк сайабылыанньаны толорон туттарыы бэрэбиэркэтин түмүгүнэн, сайабылыанньа ахсаанынан медицина института — иккис, математика уонна информатика института үһүс миэстэҕэ тураллар.