ХИФУ устудьуона Ньургун-Михаил Антонов III-с Евразиятааҕы устудьуоннар бойобуой искуустубаларын оонньууларыгар кыһыл көмүс мэтээли ситистэ. Бу туһунан үрдүк үөрэх кыһатын пресс-сулууспата иһитиннэрэр.
Саха устудьуона иас тардыһыыга 70 киилэҕэ диэри ыйааһыҥҥа кыттыыны ылбыт. Уол төрдүс сылын спорт национаьнай көрүҥнэринэн дьарыктанарын бэлиэтээтэ. Инникитин Манчаары оонньууларыгар бэлэмнэнэ былааннаах.
Евразиятааҕы устудьуоннар бойобуой искуустубаларын оонньуулара — чөл олоҕу, бойобуой искуустубалары уонна спортивнай киирсиилэри пропагандалыыр, Россия уонна Евразия дойддуларын норуоттарын доҕордоһууларын бөҕөргөтөр сыаллаах тэрээһин буолар.
