ХИФУ устудьуоннара дьиэттэн үөрэнии эрэһиимигэр көстүлэр

Коронавирус ыарыыта тарҕаныытынан олохтоммут усулуобуйанан, кулун тутар 16 күнүттэн Хотугулуу- Илиҥҥи федеральнай үнүбэрсиэт дьиэттэн үөрэнии эрэһиимигэр көстө. Бу түһүнан үөрэх тэрилтэтин пресс-сулууспата иһитиннэрэр.

Практическай дьарыктар кулун тутар бүтүөр диэри ууратылыннылар. Устудьуоннар онлайн эрэһииминэн үөрэниэхтэрэ.

ХИФУ ректора Анатолий Николаев бары маассабай тэрээһиннэри ууратта, олортон сорохторо онлайн эрэһииминэн ыытыллыахтара. Маны таһынан үнүбэрсиэт үлэһиттэрин командировкаларын тохтотор туһунан бирикээс тахсыаҕа.

Тас дойдулартан кэлбит устудьуоннар, ону тэҥэ профессордар уонна научнай үлэһиттэр бары карантиҥҥа киирэллэрэ этиллэр.

Инники этиллибитинэн, Россия үөрэҕириигэ уонна наукаҕа министиэристибэтэ үрдүк үөрэх кыһаларын дьиэттэн үөрэнии эрэһиимигэр көһөллөрүгэр сүбэлээбитэ.