ХИФУ устудьуоннара кулун тутарга диэри дистанционно үөрэниэхтэрэ

Хотугулуу-Илиҥҥи федеральнай үнүбэрсиэт устудьуоннара 2021 сыл кулун тутар 1 күнүгэр диэри дистанционно үөрэниэхтэрэ. Бу туһунан үрдүк үөрэх кыһатын пресс-сулууспата иһитиннэрэр.

Үнүбэрсиэт риэктэрэ Анатолий Николаев тустаах бирикээскэ олунньу 5 күнүгэр илии баттаабыт.

«Бирикээһи 2021 сыл кулун тутар 1 күнүгэр диэри уһатарга», – диэн докумуоҥҥа этиллэр.

ХИФУ 2020 сыл алтынньы 14 күнүттэн дистанционнай эрэһииминэн үөрэтиигэ көспүтэ. Ол кэнниттэн бирикээс ахсынньы 1 күнүгэр диэри, онтон олунньу 6 күнүгэр диэри уһатыллыбыта.