Хоту сирин норуотун бырааба төрүт сокуоҥҥа киирэр уларыйыыга тутуһуллуоҕа

Өрөспүүбүлүкэ Хоту сирин аҕыйах ахсааннаах норуотун быраабын харыстыыр боломуочуйаах Елена Иванова төрүт сокуоҥҥа уларыйыылары киллэрэр бырайыагы өйөөтө.

Уһук Илин, Сибиир уонна Хоту сир аҕыйах ахсааннаах төрүт норуотун ассоциациятын бэрэсидьиэнэ Григорий Ледков Конституцияҕа уларыйыылары киллэрэр үлэ бөлөҕүн састаабыгар киирбитэ, онон аҕыйах ахсааннаах төрүт норуотун бырааба харыстаныа уонна тутуһуллуо диэн дьон эрэнэрин туһунан Елена Иванава бэлиэтээтэ.

«Хоту сир аҕыйах ахсааннаах норуотун быраабын харыстыырга боломуочуйалаах киһи быһыытынан, миигин аҕыйах ахсааннаах норуот быраабын мэктиэлиир Конституция 69-с уонна 73-с ыстатыйата интэриэһиргэттэ. Баҕар уларыйыы бу конституционнай нуорумалары таарыйыа суоҕа», — диэн эттэ кини.

Маны сэргэ, Елена Иванова судаарыстыбаннай салалта олохтоох бэйэни салайыныы уорганнарын кытта холбоһоро наадалааҕын, сүрүн сокуоҥҥа публичнай салалта туруга ылылларын туһунан бэлиэтээн эттэ.

«Мин санаабар, бу сүрүннүүр уларыйыы буолуо этэ. Судаарыстыбанай салалта олохтоох түмсүүлэри кытта үлэлэһэрэ буоллар аһаҕас кэпсэтии бардаҕына дойдубут сайдыа этэ», — диэн Елена Иванова түмүктээтэ.