Хотугу форум «Якутия 24» уонна «Саха НКИХ» ханаалларга быһа эфиргэ көстүөҕэ

Дьокуускай куоракка норуоттар икки ардыларынааҕы II-с Хотугу сир туруктаах сайдыытын форума саҕаланна. Тэрээһин бүгүн, балаҕан ыйын 28 күнүгэр олохтоох бириэмэнэн 19.00 чаастан «Якутия 24» уонна «Саха НКИХ» ханаалларга быһа эфиргэ көстүөҕэ.

Хотугу сир уонна Арктика туруктаах сайдыытын кыһалҕаларын уонна инники кэскилин дьүүллэһэр норуоттар икки ардыларынааҕы экспертнэй былаһаакка быйылгы сүрүн тиэмэтинэн «Хотугу сир уонна Арктика тырааныспартынай инфраструктуурата» буолла.

Россия, Исландия, Норвегия, АХШ, Канада, Монголия, Кытай, Япония, Соҕуруу Корея, Швеция учуонайдара Хотугу сир тырааныспартынай инфраструктуратын сайыннарыы кыахтарын дьүүллэһиэхтэрэ.