Хотугу норуоттар ыччаттарын Арктика бырамыысыланнай хампаанньаларыгар үлэнэн хааччыйыахха наада

Хотугу аҕыйах ахсааннаах төрүт норуоттар ыччатарын үөрэхтээһин идэлэригэр эрэ буолбакка, региоҥҥа ирдэнэр бырамыысыланнай хайысханаларынан эмиэ үөрэттэрии ирдэнэр. Бу туһунан Россия Хотугулуу-Илиҥҥи норуоттарын тылларын уонна култуураларын институутун сүрүн преподователэ Екатерина Кривошапкина иһитиннэрдэ.

«Билиҥҥи күҥҥэ Арктика регионнарыгар үлэлиир бырамыысыланнай хампаанньаларга хотугу аҕыйах ахсааннаах төрүт норуоттар бэрэстэбиитэллэрэ бааллара сүдү суолталаах. Маны «Олохтоох каадырдары бырамыысыланнаска» бырайыак чэрчитинэн ситиһиэххэ сөп. Уонна биллэн турар Арктикаҕа ирдэнэр медицинскэй үлэһиттэри бэлэмниир хайысхаларынан», — диэн Екатерина Кривошапкина быһаарда.

2020 сыл кулун тутар 5 күнүгэр дойду бэрэсидьиэнэ Владимир Путин 2035 сылга диэри Арктиканы сайыннарыыга туһаайыллар сүрүн судаарыстыбаннай бэлиитикэни бигэргэппитэ. Докуомуоҥҥа Россия Арктикатын регионнарын экономическэй сайдыытыгар, айылҕа харыстабылыгар, олохтоох нэһилиэнньэ, ол иһигэр төрүт олохтоох аҕыйах ахсааннаах хотугу норуоттар, олохторун таһымын үрдэтиигэ туһаайыллар сүрүн национальнай хайысхалар ыйыллыбыттара.

Маны таһынан, бу дьыл тохсунньутугар дойду баһылыга бырабыыталыстыбаҕа уонна регионнар салалталарыгар хотугу аҕыйах ахсааннаах төрүт норуоттар ыччаттарын целевой үөрэхтээһининэн хааччыйарга соруйбута.