Хотугулуу Илиҥҥи федеральнай үнүбэрсиэт БКЭ 100 бааллах устудьуоннары уонна учууталлары наҕараадалаата

Хотугулуу Илиҥҥи федеральнай үнүбэрсиэт БКЭ-ҥэ 100 бааллах Саха сирин устудьуоннарын уонна учууталларын наҕараадалаата. Бу туһунан үрдүк үөрэх кыһатын пресс-сулууспата иһитиннэрэр.

«ХИФУ сыл учуутала» ааты 50 уһуйааччы ылла. Грант ананыытын үнүбэрсиэт ассоциациятын конференциятын чэрчитинэн быһаардылар.

Үрдүк үөрэх кыһата быйыл бастакытын «Прорыв года» диэн анал аакка куонкурус тэрийдэ. Бу аат кыайыылаахтарынан 40 үөрэнээччитин орто баала 73 тэҥнэспит Дьокуускай куорат 32-с №-дээх орто оскуолата уонна Анаабыр гимназията буоллулар. 2020 сылга гимназияны бүтэрбит үөрэнээччилэр бары ХИФУ-гар 67 орто бааллаах киирбиттэр.

«ХИФУ сыл оскуолатынан» И.Г. Тимофеев аатынан Майа лицейэ ааттанна — оскуоланы бүтэрээччи 85 %-на БКЭ-ни ортотунан 72 баллаах туттаран үрдүк үөрэх кыһатыгар киирдэ.