Аҕа дойду Улуу сэриитигэр саха саллааттарын туһунан кинигэ тахсыаҕа

Саха сирин норуодунай суруйааччыта Николай Лугинов Аҕа дойду Улуу сэриитигэр саха саллааттарын хорсун быһыыларын туһунан кинигэ таһаарар литературнай бырайыагы олоххо киллэрэр туһунан эттэ. Бу туһунан СӨ баһылыгын уонна бырабыыталыстыбатын пресс-сулууспата иһитиннэрэр.

Бүгүн, тохсунньу 9 күнүгэр, Ил Дархан Айсен Николаев Саха сирин норуотун суруйааччыта, өрөспүүбүлүкэ духуобунаска Академиятын вице-бэрэсидьиэнэ, Россия суруйааччыларын сойууһун бырабылыанньатын бэрэссэдээтэлэ Николай Лугиновы кытта көрүстэ.

Улуу Кыайыы 75 үбүлүөйдээх сылын, Кэриэс, Албан аат сылыгар анаммыт уонна Патиротизм сылыгыр ыытыллыахтаах тэрээһиннэр чэрчилэринэн литературнай бырайыагы олоххо кииллэрэр туһунан эттэ. Бу бырайыак чэрчитинэн Аҕа Дойду сэриитигэр кыргыһыы толоонугар охтубут, сураҕа суох сүппүт саха саллааттарын хорсун быһыыларын туһунан кинигэ тахсыаҕа.

«Бу бырайыак Аҕа дойду Улуу сэриитигэр фроҥҥа ыҥырыллыбыт биһиги биир дойдулаахтарбыт сырдык ааттарын үйэтитэр уонна сэрии ыарахаттарын тыыннаах туораабыт дойдубут дьиҥнээх патриот, герой көлүөнэбитигэр ытыктааһын иэспит буолар. Бырайыакка Саха сирин суруйааччылара эрэ буолбакка, Россия суруйааччылара эмиэ кыттыһыахтарын сөп», — диэн Николай Лугинов эттэ.

Саха сирин духуобунаска Академиятын чилиэннэрэ Патриотизм сылын тэрээһиннэригэр көхтөөхтүк кыттар уонна элбэх ыччат тэрилтэтин бэрэстэбиитэллэрин угуйан, оскуола оҕолорун көрдүүр бөлөхтөрүн түмэн кинигэ таһаарытыгар эрэ буолбакка архыып матырыйаалларын хомуйан биллибэт дьоруойдар ааттарын үйэтитэр туһугар үлэлииргэ бэлэмнээхтэрин бэлиэтээн эттэ.

«Билигин улаатан эрэр көлүөнэҕэ хайдах биһиги норуоппут Аҕа дойду Улуу сэриитигэр кыайбытын туһунан суругу, хрониканы литература эрэ нөҥүө тириэрдэр кыахтаахпыт. Патриотизм сылынан биһиги сураҕа суох сүппүт геройдарбыт ааттарын билэн үйэтитэхтээхпин, өрөспүүбүлүкэ хас биирди олохтооҕо кинилэр хорсун быһыыларын ытыктыыр уонна умнубат тустаахтар», — диэн Николай Лугинов эттэ.

Айсен Николаев суруйааччы көҕүлээһинин өйөөтө уонна Улуу Кыайыы 75 сыллаах үбүлүөйүгэр анаммыт тэрээһин чэрчитинэн бырайыак олоххо киирэригэр эрэллээҕин туһунан эттэ.