Чэпчэки атлетика турнирыгар Максим Афонин үрүҥ көмүс мэтээли ситистэ

Москваҕа буолбут «Русская зима» күрэхтэһиигэ Саха сирин спортсмена Максим Афонин ядроны анньыыга иккис миэстэни ылла. Бу туһунан «Спорт Якутии» иһитиннэрэр.

Николай Колодко иитиллээччитэ бу күрэххэ былырыын 2019 сыллаахха чөмпүйүөннээбитэ уонна быйыл титулун көмскээн көрдө. Кини сүрүн күрэхтэһээччитинэн Александр Лесной 20.7 миэтэрэ түмүктээх Максим Афонины кыайбыта бэлиэтэнэр.

Турнир бирииһин пуондата икки мөлүйүөнтэн тахса солкуобай. Күрэхтэһиигэ уопсайа 250-тан тахса чэпчэки атлетиканан дьарыктанар дойду спортсменнара кыттыыны ыллылар.