Хаҥалас улууһун оскуолаларыгар уонна оҕо уһуйааннарыгар карантин биллэрилиннэ

Хаҥалас улууһун хас да оскуолатыгар уонна оҕо уһуйааннарыгар тумуу ыарыыта элбээн карантин биллэрилиннэ. Бу туһунан улуус дьаһалтатын пресс-сулууспата иһитиннэрэр.

«Кыымчаан» оҕо уһуйаана олунньу 14 күнүгэр диэри, «Туллукчаан» оҕо уһуйаана олунньу 16 күнүгэр диэри, Мохсоҕолоох орто оскуолата олунньу 17 күнүгэр диэри, Покровскай иккис нүөмэрдээх орто оскуолата олунньу 22 күнүгэр диэри каратиҥҥа бардылар», — диэн этиллибит.

Покровскай үһүс нүөмэрдээх оскуолатыгар, Өктөм орто оскуолатыгар уонна Өктөм научнай үөрэҕириитин киинигэр олунньу 17 күнүгэр диэри сорох кылаастарга карантин биллэрилиннэ. Маны сэргэ Покровскай бастакы нүөмэрдээх, Ой орто оскуолатын сорох үөрэнээччилэригэр олунньу 18 күнүгэр диэри үөрэх ууратылынна. «Сардаана» оҕо уһуйааныгар карантин олунньу 24 күнүгэр диэри биллэрилиннэ.