ХИФУ лицейин үөрэнээччилэрэ Россиятааҕы олимпиада региональнай түһүмэҕэр кыайдылар

ХИФУ научнай киинин 11 кылааһын үөрэнээччилэрэ Антон Данилов уонна Артур Оконешников Россиятааҕы химия уонна английскай тыл олимпиадатын региональнай түһүмэҕэр бастакы миэстэни ыллылар. Бу туһунан үнүбэрситиэт пресс-сулууспата иһитиннэрэр.

Россиятааҕы оскуола оҕолоругар аналлаах олимпиадаҕа Антон Данилов 10-ус кылаастан кыттар.

Артур Оконешников 2018 сыллаахха ыытыллыбыт Россиятааҕы химия олимпиадатын түмүктүүр түһүмэҕин призера. «Олимпиадаларга ахсыс кылаастан кыттан саҕалаабытым, онтон Россиятааҕы химия олимпиадатыгар бастакытын кыайбытым. Ол кэннэ Саха сирин наукатын кыра академията миигин бэлиэтии көрбүтэ», — диэн Артур Оконешников эттэ.

Маны тэҥэ, 11 кылаас үөрэнээччитэ Анастасия Оконешникова химия олимпиадатын призера буолла.

Кыайыылаахтар Москва куоракка кулун тутар 21-27 күннэригэр Россиятааҕы олимпиада түмүктүүр түһүмэҕэр кытта бараллара бэлиэтэнэр.