Дьокуускайга муус анныгар тымныыны тулуйуу рекорда олохтонно

Калининград экстремала Олег Резанов муус анныгар тымныыны өр бириэмэҕэ тулуйан рекорд олохтоото.

Кини муус анныгар 12 мүнүүтэ 52 сөкүүндэ сытта. Олег Резанов экстремальнай усулуобуйаларга 12 рекорду олохтооччу эрэ буолбакка, кини тымныыга хайдах тыынар уонна тоҥмот буолуу тиэхиникэтин пропагандалааччы буолар.

Сонуну киэҥник тарҕатар сириэстибэлэр Олег Резановы «Тымныы баһылыга» диэн ааттаабыттар. Маны сэргэ, кини олоҕун сыалын уонна өлбөт үйэлээх буолууну көрдүүрүүн туһунан бэлиэтээтэ.

Калиниград экстремала 2019 сыллаахха -23 кыраадыска түөрт килэмиэтир үрдүктээх сиртэн ыстанан Дьокуускай олохтоохторугар биллибитэ.