Куор ыарыытыттан сылтаан икки күрэхтэһиини көһөрдүлэр

Эрдэ биллэриллибит «Саха сирин саҥа ааттара» өрөспүүбүлүкэтээҕи  XX-с эдэр толорооччулар аһаҕас күрэхтэрэ уонна «Эдэр талааннар биэчэрдэрэ» тэрээһин сыстыганнаах куор ыарыы тэнийиититтэн сылтаан көһөрүлүннүлэр. Бу туһунан култуура министиэристибэтин пресс-сулууспата иһитиннэрэр.

«Тохсунньу 9-12 күннэригэр уонна тохсунньу 13 күнүгэр тэрээһиннэр ыытыллыахтаах этилэр. Сыстыганнаах куор ыарыы тэнийиититтэн сылтаан көһөрүлүннэ», — диэн этиллибит.

Өрөспүүбүлүкэ кылаабынай санитарнай бырааһын уураҕыгар олоҕуран миэрэ ылылынна. Тэрээһин ыытыллар күнүн туһунан эбии биллэрии күүтүллэр.