Саха сирин оскуола үөрэнээччилэрэ «Большие вызовы» күрэх очнай сүһүөҕэр кытталлар

Өрөспүүбүлүкэ 16 улууһуттан уонна киин куоратыттан 70 үөрэнээччи «Большие вызовы» бүтүн россиятааҕы научнай-технологическэй бырайыактар куонкурустарын очнай сүһүөҕэр кыттыыны ылаллар. Бу туһунан үөрэҕирии уонна наука министиэристибэтин пресс-сулууспата иһитиннэрэр.

Сөһүөх аһыллыыта кулун тутар 10 күнүгэр Саха сирин наукатын кыра академиятыгар буолбута. Оскуола үөрэнээччилэрэ араас лиэксийэлэри истиэхтэрэ, куонкурус экспиэртэрин кытта үлэлиэхтэрэ уонна бэйэлэрин бырайыактарын көмүскүөхтэрэ.

«2019 сыллаахха куонкурус россиятааҕы сүһүөҕэр тоҕус оҕо кыттыбыта, кинилэр бары бириистээх миэстэни ылбыттара. Сорохторо салгыы науканан дьарыктаналлар уонна боччумнаах научнай чинйиилэргэ кытталлар. В.П. Ларионов аатынан лицей 11 кылааһын үөрэнээччилэрэ Андрей Петров уонна Антон Данилов 2020 сыл атырдьах ыйыгар, бииргэ үлэлэһэр партнердарын кытта спутник ыытары былаанныыллар. Маны тэҥэ уолаттар космическэй аппарат оҥоруутунан дьаркытаналлар», — диэн СӨ үөрэҕириигэ уонна наукаҕа миниистирин солбуйааччы Владимир Тихонов эттэ.

Куонкурус сүүмэрдиир сүһүөҕүн ааспыт кыайыылаахтара уонна призердара Сочи куоракка «Сириус» үөрэхтээһин киинигэр ыытыллар «Большие вызовы» сайыҥҥы проектнай күрэхтэһиигэ ыҥырыллыахтара.

Түмүктүүр сүһүөх партнердарынан «Роснано», «Мечел», «Северсталь», «Роскосмос», «Россети», «Лукойл» уонна да атын Россия бөдөҥ предриятилара буолаллара бэлиэтэнэр.