Саха сирин тустууктара Киргизия чемпионатыгар кыһыл көмүс мэтээли ыллылар

Киргизияҕа буолбут көҥүл тустуу чемпионатыгар Саха сирин тустууктара Андрей Аронов уонна Айаал Лазерев финальнай киирсиигэ кыайдылар. Бу туһунан «Спорт Якутии» иһитиннэрэр.

Андрей Аронов 95 киилэҕэ тустан Арслан Турдубековы кыайда.

Айаал Лазерев 10:0 ахсааннаах 125 киилэҕэ киирсэн Айбек Касманбетовы хотто.

Күрэхтэһии Бишкек куоракка тохсунньу 10-с күнүттэн 12-с күнүгэр диэри ыытыллар.